Light Nepal

बालुवाटारमा ओलीसँग रिसाए प्रचण्ड, के भने ?

काठमाडौं, ४ बैशाख । नेकपा माओवादी केन्द्रका अध्यक्ष पुष्पकमल दाहाल प्रचण्डले प्रधानमन्त्री केपी शर्मा ओलीले गरेको एकलौटी गरेको सचिव सरुवाको विषयमा प्रश्न उठाएका छन् । पार्टी एकता संयोजन समितिको मंगलबारको बैठकमा बालुवाटार पुगेका प्रचण्डले ओलीलाई यस विषयमा खरो प्रश्न तेर्साएका थिए ।

बैठकमा प्रचण्डले राष्ट्रिय अनुसन्धान विभागलाई प्रधानमन्त्री कार्यालय मातहतमा लगेकोदेखि सचिव सरुवासम्म असन्तुष्टि जनाए ।

प्रचण्डले माओवादी नेता रामबहादुर थापा बादल गृहमन्त्री भएपछि आफूहरुलाई थाहा नै नदिई राष्ट्रिय अनुसन्धान विभागलाई प्रधानमन्त्री कार्यालय मातहत लगेकोमा असन्तुष्टि जनाएका छन् । सचिव सरुवाबारे पनि माओवादी मन्त्रीहरुसँग परामर्श नै नगरेको भन्दै उनले असन्तुष्टि जनाएको स्रोतले जानकारी दिएको छ।

अहिले राष्ट्रिय योजना आयोग गठन नै नगरी बजेट निर्माण थालेकोमा पनि उनले असन्तुष्टि जनाएका छन् ।

प्रचण्डले भने, ‘यो कार्यशैली हो भने त दुई वटा अध्यक्ष बनाएपनि एउटा कार्यकारी, अर्को शेरेमोनियल त हुँदैन ?’

उनले बैचारिक राजनीतिक विषय के गर्ने ? महाधिवेशन कसरी गर्ने भन्ने प्रश्न पनि उठाएका छन् ।

स्रोतका अनुसार पार्टी एकता गर्दा बैचारिक राजनीतिक विषयहरु महाधिवेशनबाट टुंगो लगाउने भन्ने र महाधिवेशनमा भोटिङ गरेर टुंगो लगाउने त होइन भन्ने माओवादीको आशंका छ । साथै महाधिवेशनबाट नेतृत्व चयन पनि सहमतिकै आधारमा गर्नु पर्ने माओवादीको जोड छ ।

जवाफमा ओलीले आशंका नगर्न आग्रह गरेका छन् । केन्द्रीय समितिको भागवण्डा विवादमा उनले ‘समान पनि नभनौं, प्रतिशत पनि नभनौं, आवश्यकताका आधारमा गरौं’ भनेको एक नेताले बताए ।

माओवादी स्रोतले भन्यो, ‘प्रधानमन्त्रीले मैले त्यस्तो केही गरेको छैन । एउटा कार्यकारी एउटा शेरेमोनियल कहाँ हुन्छ र भन्नु भएको छ ।’

प्रतिक्रिया दिनुहोस्